سوشل میڈیا میں کچھ چیزیں ایسی ہیں جسے کنٹرول کرنا چاہیے، رانا ثنا اللّٰہ

وزیر داخلہ رانا ثنا اللّٰہ کا کہنا ہے کہ بل کے ذریعے آزادی اظہار رائے پر قدغن لگی تو بل واپس لے لیں گے، سوشل میڈیا میں کچھ چیزیں ایسی ہیں جسے کنٹرول کرنا چاہیے۔

وزیر داخلہ نے جواب دیا کہ سیاست میں ہمیشہ مذاکرات کی حمایت کی جاتی ہے، کوئی سیاستدان کبھی یہ نہیں کہتا کہ ہم مذاکرات نہیں کریں گے۔

ایک بیان میں رانا ثنا اللّٰہ نے کہا کہ سوشل میڈیا کے ذریعے لوگوں کی نجی زندگی کو نقصان پہنچایا جا رہا ہے، یہ سنجیدہ معاملہ ہے۔

انہوں نے کہا کہ اندیشہ ہےآزادی اظہار رائے کو نقصان نہ پہنچے، آزادی اظہار رائے برقرار رکھتے ہوئے میڈیا، صحافتی تنظیمیں رہنمائی کریں۔

وزیر داخلہ نے سوشل میڈیا سے متعلق صحافی برادری سے مشاورت کا فیصلہ کیا ہے۔

رانا ثنا اللّٰہ نے سوشل میڈیا سے متعلق ترامیم پر دیگر اسٹیک ہولڈرز سے بھی مشاورت کا فیصلہ کیا ہے۔

بشکریہ جنگ