باکسر عامر خان کی شعیب ملک کے بیٹے کی سالگرہ کی تقریب میں شرکت

پاکستانی نژاد برطانوی باکسر عامر خان بھی شعیب ملک اور ثانیہ مرزا کے بیٹے اذہان ملک کی سالگرہ کی تقریب میں شریک ہوئے۔

شعیب ملک اور ثانیہ مرزا نے کچھ روز قبل دبئی میں اپنے قریبی دوستوں اور عزیز و اقارب کی موجودگی میں بیٹے اذہان مرزا ملک کی سالگرہ منائی۔

پاکستانی آل راؤنڈر نے فوٹو اینڈ ویڈیو شیئرنگ ایپ انسٹاگرام پر اپنے بیٹے کی سالگرہ کی تقریب سے کچھ خوبصورت تصاویر شیئر کی ہیں۔

 ان تصاویر میں باکسر عامر خان کو بھی چھوٹے ملک کی اسپائڈر مین تھیم برتھ ڈے پارٹی شریک دیکھا جاسکتا ہے۔

پاکستانی آل راؤنڈر شعیب ملک کی اہلیہ، بھارتی ٹینس اسٹار ثانیہ مرزا نے سالگرہ کے موقع پر اپنے بیٹے اذہان ملک کے لیے محبت بھرا پیغام شیئر کیا ہے۔

شعیب ملک نے اپنے بیٹے سے مخاطب ہوتے ہوئے لکھا کہ’جب آپ پیدا ہوئے تو ہم پہلے سے زیادہ عاجز ہوگئے اور یہ زندگی ہمارے لیے کچھ خاص ہوگئی‘۔

اُنہوں نے لکھا کہ’ہم روزانہ ایک دوسرے سے نہیں ملتے لیکن بابا ہر لمحہ آپ کے اور آپ کی مسکراہٹ کے بارے میں سوچتے رہتے ہیں‘۔

اُنہوں نے اپنے بیٹے سے محبت کا اظہار کرتے ہوئے لکھا کہ’ماما اور بابا دونوں آپ سے بہت محبت کرتے ہیں‘۔

بشکریہ جنگ