وزیراعظم کا خاتون رپورٹر صدف کے اہل خانہ کیلئے 50 لاکھ کی مالی امداد کا اعلان
پاکستان تحریک انصاف (پی ٹی آئی) کے لانگ مارچ کے دوران عمران خان کے کنٹینر کے نیچے آکر جاں بحق ہونے والی خاتون رپورٹر صدف کے اہلخانہ کیلئے وفاقی حکومت نے مالی امداد کا اعلان کردیا۔
وزیراعظم شہباز شریف نے مرحومہ خاتون رپورٹر صدف نعیم کے اہل خانہ کے لیے 50 لاکھ کی مالی امداد کا اعلان کیا۔
وزیراعظم نے متعلقہ حکام کو ضابطےکی کارروائی فوری مکمل کر کے چیک اہل خانہ کے حوالے کرنے کی ہدایت کردی۔
صدف نعیم آج شام لاہور میں عمران خان کے لانگ مارچ کے دوران کنٹینر سے گر کر جاں بحق ہوگئی تھیں، جس کے بعد پی ٹی آئی چیئرمین عمران خان نے اپنا آج کا مارچ بھی منسوخ کردیا تھا۔
بشکریہ جنگ
Comments are closed.