آئرلینڈ کی ویمن کرکٹ ٹیم لاہور پہنچ گئی
آئر لینڈ کی ویمن کرکٹ ٹیم ون ڈے اور ٹی ٹوئنٹی سیریز کھیلنے کے لیے لاہور پہنچ گئی۔
رپورٹس کے مطابق آئر لینڈ ویمن کرکٹ ٹیم پیر سے ٹریننگ کا آغاز کرے گی، لاؤرا ڈیلانی آئر لینڈ کے ون ڈے اور ٹی ٹوئنٹی اسکواڈز کی کپتانی کریں گی۔
آئر لینڈ کی ویمن کرکٹ ٹیم 3 ون ڈے اور 3 ٹی ٹوئنٹی میچز کی سیریز کھیلے گی۔
میچز قذافی اسٹیڈیم لاہور میں کھیلے جائیں گے، ون ڈے میچز آئی سی سی ویمنز چیمپئن شپ کا حصہ ہیں۔
ون ڈے اور ٹی ٹوئنٹی میچز کی سیریز 4 سے 16 نومبر تک کھیلی جائے گی۔
ون ڈے میچز 4، 6 اور 9 نومبر کو جبکہ ٹی ٹوئنٹی میچز 12، 14 اور 16 نومبر کو کھیلے جائیں گے۔
سیریز کے میچز کے لیے تماشائیوں کا داخلہ مفت رکھا گیا ہے۔
واضح رہے کہ آئر لینڈ کی کسی بھی کرکٹ ٹیم کا یہ پہلا دورۂ پاکستان ہے۔
بشکریہ جنگ
Comments are closed.