ایتھوپیا کی پاکستان کیلئے پروازیں اور آن ارائیول ویزا سروس بحال
افریقی ملک ایتھوپیا کی قومی ایئرلائن نے 18 سال کے بعد ایک بار پھر پاکستان کیلئے اپنی پروازیں بحال کر دیں۔
ایتھوپین ایئرلائنز کی ہفتہ وار دو پروازیں کراچی آئیں گی، اس کے ساتھ ہی ایتھوپیا کی حکومت نے پاکستانیوں کیلئے ایئرپورٹ پر آن ارائیول ویزا کی سہولت بھی بحال کر دی ہے جو دو سال قبل معطل کر دی گئی تھی۔
پاکستان سول ایوی ایشن اتھارٹی کے نوٹیفکیشن کے مطابق ایتھوپین ایئر لائنز 2004 سے پاکستان کیلئے معطل اپنی پروازیں ایک بار پھر بحال کر رہی ہے۔
ایتھوپین ایئرلائن ادیس آبابا اور کراچی کے درمیان ہفتہ وار دو پروازیں چلائے گی۔
ساتھ ہی ایتھوپین حکومت نے پاکستانیوں کیلئے ایئرپورٹ پر آن ارائیول ویزا کی سہولت بھی بحال کر دی ہے۔
ایتھوپیا میں کچھ پاکستانی جعلی موبائل فونز اور پرفیومز فروخت کرتے ہوئے پکڑے گئے تھے جس کے بعد دو سال قبل ایتھوپیا کی حکومت نے آن ارائیول ویزا کی سہولت ختم کر دی تھی۔
یہ سہولت اب پاکستانی سفیر کی کوششوں سے بحال ہوگئی ہے، پاکستان سول ایوی ایشن اتھارٹی کے نوٹیفکیشن میں ملکی ایئرپورٹس پر تعینات تمام متعلقہ اداروں سے کہا گیا ہے کہ وہ ایتھوپیا جانے والے مسافروں پر کڑی نظر رکھیں تاکہ مستقبل میں کسی بدمزگی سے بچا جاسکے۔
Comments are closed.