اٹلی: آرسنل کے فٹبالر پابلو ماری چاقو حملے میں زخمی، ایک شخص ہلاک

اٹلی کے شہر میلان میں چاقو حملے سے ایک شخص ہلاک جبکہ آرسنل کے فٹبالر پابلو ماری سمیت 4 افراد شدید زخمی ہوگئے۔

پولیس کے مطابق اسپین کے فٹبال کھلاڑی کو معمولی زخم آئے ہیں لیکن دیگر زخمیوں کی حالت تشویشناک ہے۔

مشتبہ حملہ آور کو گرفتار کرلیا گیا ہے، پولیس ترجمان نے کہا کہ ایک ذہنی معذور شخص نے چاقو سے حملہ کیا۔

اسپین کے پلیئر پابلو ماری آرسنل کے لیے فٹبال کھیلتے ہیں، آج کل اٹلی کی لیگ ٹیم مونزا کلب نے ان سے معاہدہ کیا ہوا ہے۔

بشکریہ جنگ