کراچی: ماموں کے گھر ڈکیتی کرانیوالی بھانجی ڈاکو دوست سمیت گرفتار
کراچی کے اجمیر نگری تھانے کی حدود میں ماموں کے گھر دوستوں کی مدد سے ڈکیتی کرانے والی بھانجی کو پولیس نے ڈکیت دوست سمیت گرفتار کر لیا، ملزمان کا ایک ساتھی پہلے ہی مقابلے میں زخمی ہو کر جیل جا چکا ہے۔
متین نامی شخص کے گھر سے ڈاکو اسلحے کے زور پر نقد رقم، قیمتی اشیاء اور موبائل فون لے گئے تھے، متاثرہ شخص نے اجمیر نگری تھانے میں مقدمہ درج کرایا تو پولیس نے تفتیش شروع کی۔
ماں باپ کو بیٹی عائشہ کی حرکات مشکوک جانتے ہوئے پہلے سے شک تھا۔
پولیس نے تحقیقات کیں تو پتہ چلا کہ عائشہ نے اپنے دوست ذیشان کی مدد سے ماموں کے گھر میں ڈکیتی کروائی تھی۔
اجمیر پولیس نے ذرائع کا استعمال کرتے ہوئے واردات کروانے والے شخص کو گرفتار کر کے چھینے گئے 2 اسمارٹ موبائلز فونز برآمد کر کے اصل ملزمان کا پتہ لگا لیا۔
گرفتار ملزم ذیشان نے واردات کا اعتراف کیا اور عائشہ کے ملوث ہونے کا بتایا جس پر مدعی کی بھانجی عائشہ عرف اشو کو گرفتار کر لیا گیا ہے۔
ملزمان کا ایک ساتھی پولیس مقابلے میں زخمی ہو کر جیل میں ہے۔
Comments are closed.