جمعرات 30؍ربیع الاول 1444ھ27؍اکتوبر 2022ء

شعیب اختر پاکستان کی شکست پر مایوس

پاکستان کرکٹ ٹیم کے سابق فاسٹ بولر اور ٹیسٹ کرکٹر شعیب اختر ٹی ٹوئنٹی ورلڈکپ کے میچ میں زمبابوے کے ہاتھوں پاکستان کی شکست پر دلبرداشتہ ہوگئے۔

اپنے ویڈیو پیغام میں شعیب اختر نے کہا کہ آج کا میچ بہت ہی شرمناک ہے، اور سلیکٹ کرو ایوریج لوگ، ایوریج ٹیم مینجمنٹ اور ایوریج پی سی بی کو سلیکٹ کرو، یہ تو ہونا تھا۔

سابق فاسٹ بولر نے کہا کہ آج کے میچ کے بعد میں بہت زیادہ اداس ہوں، آپ لوگ زمبابوے سے بھی ہار گئے ہیں، اب آپ سوچیں گے ایسا ہوجائے ویسا ہوجائے، اب آپ سیمی فائنل میں کوالیفائی بھی بہت مشکل سے کریں گے۔

شعیب اختر نے مزید کہا کہ  اگر زمبابوے ہے تو خود ہی ہوجائے گا سب کچھ؟ نہیں خود نہیں ہوتا، کرنا پڑتا ہے۔

بشکریہ جنگ
You might also like

Comments are closed.