بابر اعظم نے ٹورنامنٹ کے بہترین کیچز میں سے ایک پکڑ لیا

پاکستان ٹیم کے کپتان بابر اعظم نے زمبابوے کے خلاف میچ میں ٹی ٹوئنٹی ورلڈکپ 2022 کے بہترین کیچز میں سے ایک کیچ پکڑ لیا۔ 

ٹی ٹوئنٹی ورلڈکپ میں زمبابوے کے خلاف میچ کے دوران پاکستانی فیلڈرز زیادہ متاثر کن کارکردگی پیش نہ کرسکے، تاہم کپتان بابر اعظم کا لیا گیا کیچ توجہ کا مرکز بن گیا۔ 

شاداب خان کی جانب سے پھینکی گئی 14ویں اوور کی آخری گیند پر زمبابوے کے بیٹر ریجس چکابوا کے بلے سے چھو کر سلپ پوزیشن پر آنے والی گیند کو بابر اعظم نے اپنے دائیں جانب چھلانگ لگا کر کیچ کیا۔ 

انہتائی دلکش انداز میں لیے گئے اس کیچ کو ٹورنامنٹ کے بہترین کیچز میں سے ایک بھی قرار دیا جارہا ہے۔ 

بشکریہ جنگ