بھارتی بیٹر کا انٹرنیٹ پر پیچھا شروع کردیا گیا

بھارتی کرکٹ ٹیم کے بیٹر کے ایل راہول کو ٹی ٹوئنٹی ورلڈ کپ کے میچ میں نیدرلینڈز کے خلاف آؤٹ ہونے کے بعد انٹرنیٹ پر مذاق کا نشانہ بنایا جارہا ہے۔

انٹرنیٹ پر لوگوں نے بھارتی بیٹر کے ایل راہول کا اُس وقت پیچھا کرنا شروع کیا جب وہ پاکستان کے بعد آج سڈنی میں بھی نیدرلینڈز کے خلاف کچھ خاص نہ کرسکے اور بیٹنگ میں ایک مرتبہ پھر مکمل ناکام ہوتے ہوئے 12 گیندوں پر صرف 9 رنز بنا کر آؤٹ ہوگئے۔

ایک اکاؤنٹ سے کے ایل راہول کی کارکردگی پر ریسلنگ کے میچ کی مختصر ویڈیو شیئر کی گئی۔

انٹرنیٹ پر ایک صارف نے لکھا کہ کے ایل راہول سے زیادہ اچھا تو بوتل کھولنے والا اوپنر ہے۔

اس کے علاوہ دیگر مختلف اکاؤنٹس سے بھی بھارتی بیٹر کی کارکردگی پر ان کا مذاق بنایا جارہا ہے۔

واضح رہے کہ آج نیدرلینڈز کے خلاف میچ میں ناکام ہونے سے قبل کے ایل راہول پاکستان کے خلاف میچ میں بھی جلد آؤٹ ہوگئے تھے۔

بھارتی بیٹر پاکستان کے خلاف میچ میں اتوار کو 7 گیندوں کا سامنا کر کے صرف 4 رنز ہی بنا سکے تھے، جس کے بعد فاسٹ بولر نسیم شاہ نے انہیں بولڈ کردیا تھا۔

بشکریہ جنگ