افغانستان کی خاتون سائیکلنگ چیمپئن اسرائیلی ٹیم میں شامل

افغانستان کی سائیکلنگ چیمپئن فریبہ نے اسرائیلی خواتین ٹیم میں شمولیت کی پیشکش قبول کرلی۔

اسرائیل کی ویمن ورلڈ ٹور ٹیم نے فریبہ کو نئے سیزن کے لیے پیشکش کی تھی۔

فریبہ اسرائیل کی طرف سے خواتین کے ٹور ڈی فرانس سائیکلنگ ایونٹ میں شرکت کریں گی۔

اتوار کو سوئٹزرلینڈ میں افغان نیشنل سائیکلنگ چیمپئن شپ دو بہنوں 19 سالہ فریبہ اور 22 سالہ یلدوز نے جیتی۔

یہ چیمپئن شپ سوئٹزرلینڈ میں اس لیے منعقد کی گئی کیونکہ طالبان حکومت نے لڑکیوں کے کھیلوں پر پابندی عائد کر رکھی ہے۔

فریبہ اور یلدوز نے پچھلے سال اگست میں طالبان کی فتح سے پہلے ہی ملک چھوڑ دیا تھا۔

اسرائیل جلد ہی خواتین کی انڈر 23 کانٹی نینٹل ٹیم کا اعلان کرے گا جس میں یلدوز کو شامل کیا جائے گا۔

بشکریہ جنگ