برطانیہ میں چاقو حملہ، ایک خاتون ہلاک، دوسری زخمی

برطانیہ کے علاقے نیو ہیم میں چاقوزنی پر مبنی حملے سے ایک خاتون ہلاک جبکہ دوسری زخمی ہوگئی۔ 

لندن میٹرو پولیٹن پولیس کا کہنا ہے کہ ایشیائیوں کی اکثریت والے علاقے کی ونڈ مل لین پر یہ واقعہ صبح تین بجکر 35 منٹ پر پیش آیا۔ 

میٹرو پولیٹن پولیس کے مطابق اس واقعے میں 50 سال کی خاتون موقع پر ہی ہلاک ہوگئی، جبکہ 30 سال کی زخمی خاتون کو اسپتال پہنچایا گیا۔

پولیس کا مزید کہنا ہے کہ قتل کی تحقیقات کا آغاز کر دیا ہے، حملہ آور کی تلاش جاری ہے۔

دوسری جانب میڈیا رپورٹ کا کہنا ہے کہ پولیس کا خیال ہے کہ حملہ آور دونوں خواتین کا جانتا تھا۔

بشکریہ جنگ