قومی اسمبلی کی بھی پاک بھارت میچ میں دلچسپی

پاک بھارت میچ کا بخار پاکستان کی قومی اسمبلی تک پہنچ گیا، قانون ساز ادارے نے ٹی20 ورلڈ کپ کے ہائی وولٹیج میچ پر تبصرہ کیا ہے۔

سماجی رابطے کی ویب سائٹ پر پاکستان کی قومی اسمبلی نے میلبرن میں کھیلے گئے پاک بھارت میچ پر اپنے جذبات کا اظہار کیا۔

قومی اسمبلی کے ٹوئٹر ہینڈل سے شیئر کیے گئے پیغام میں پاکستان ٹیم کی حوصلہ افزائی کے ساتھ ہی اگلے میچز میں شاندار کارکردگی کے لیے ہمت بندھائی گئی۔

پیغام میں کہا گیا کہ پاکستان نے بھارت کے خلاف ٹی 20 ورلڈ کپ کے میچ میں شاندار کھیل پیش کیا، اگلی بار آپ خوش قسمت ثابت ہوں۔

بشکریہ جنگ