محسن رانجھا کی عمران خان پر مقدمے کی درخواست

توشہ خانہ کیس میں درخواست گزار محسن شاہ نواز رانجھا نے عمران خان کے خلاف ایف آئی آر درج کروانے کے لیے تھانہ سیکریٹریٹ میں درخواست دے دی۔

محسن رانجھا کا کہنا ہے کہ عمران خان کی ایما پر ان پر قاتلانہ حملہ کیا گیا، الیکشن کمیشن کے باہر کیا گیا فائر ان کے قریب سے گزرا۔

پی ٹی آئی چیئرمین نے کہا کہ اب عوام کو سڑکوں پر لانا ہوگا، فیصلے کو عوام نے قبول نہیں کیا۔

محسن رانجھا نے کہا کہ ایک جتھے نے ان کی گاڑی پر حملہ کیا۔

الیکشن کمیشن کے باہر سے کے پی پولیس کے اہل کار کو گولی چلانے کے الزام میں حراست میں لیا گیا ہے۔

ذرائع کا کہنا ہے کہ گولی پی ٹی آئی کے ایم این اے صالح محمد کے پولیس گارڈ سے چلی۔

بشکریہ جنگ