ویسٹ انڈیز کے سابق کپتان ویوین رچرڈز پاک بھارت سیریز کے خواہشمند

ویسٹ انڈیز کے سابق کپتان ویوین رچرڈز نے پاک بھارت مقابلہ کھیلوں کی دنیا کا بہترین مقابلہ قرار دیتے ہوئے کہا ہے کہ پاکستان اور بھارت ایسی سیریز ہے جو میں دیکھنا چاہوں گا۔

ویوین رچرڈز کا کہنا ہے کہ پاکستان اور بھارت بہترین حریف اور یہ ٹکر کا مقابلہ ہے، میں نے کئی بار کہا ہے کہ بہترین جنگ کھیل کے میدان میں لڑی جاسکتی ہے، انفرادی طور پر کسی ہارنے والے کی انا کو نقصان پہنچ سکتا ہے لیکن مجھے یقین ہے چیزیں تبدیل ہوں گی۔

انہوں نے کہا کہ دونوں مقابلے کی ٹیمیں ہیں اور دونوں کو بہت سپورٹ حاصل ہے، پاک بھارت میچ کو کھیلوں کی دنیا کی سب سے بڑی سرگرمی سمجھتا ہوں۔ 

ویوین رچرڈز نے مزید کہا کہ میں سمجھتا ہوں اچھی صورتحال پیدا ہوگی اور پاک بھارت سیریز مستقبل میں ہوگی۔

سابق کپتان نے کہا کہ میں کرکٹ کا گلوبل ایمبیسیڈر ہوں، میرے لیے اعزاز ہے کہ یہاں موجود ہوں میں ایک اچھی جگہ پر رہ رہا ہوں، میں کئی برسوں سے پاکستان آ رہا ہوں، یہاں کے لوگ مجھے جانتے ہیں اور یہ ایک شاندار جگہ ہے۔

خط ایشیا کپ کے لیے بھارتی ٹیم پاکستان نہ بھیجے جانے کے بیان پر لکھا گیا۔

انہوں نے کہا کہ مجھے یہاں آنے پر کبھی مسئلے کا سامنا نہیں کرنا پڑا ہمیشہ محفوظ محسوس کیا جیسا میں خود کو اپنے گھر میں محسوس کرتا ہوں اور جب آپ گھر میں ہوں تو ریلیکس ہوتے ہیں۔

ویوین رچرڈز نے کہا کہ انگلینڈ نے حال ہی میں پاکستان کا دورہ کیا اور پاکستان کو پاکستان میں ہرایا یہ ان کا بڑا کارنامہ تھا، اب ٹی ٹوئنٹی کا عمدہ ٹورنامنٹ ہورہا ہے۔

واضح رہے کہ ویوین رچرڈز ان دنوں پاکستان جونیئر لیگ کے لیے لاہور میں موجود ہیں اور وہ گوادر شارکس کے مینٹور ہیں۔

بشکریہ جنگ