نواز شریف سے ہوئی ہر بات پبلک کرنے کی نہیں ہوتی، اسحاق ڈار

وفاقی وزیر خزانہ اسحاق ڈار نے کہا ہے کہ میاں نواز شریف سے ہونے والی ہر بات پبلک سے کرنے کی نہیں ہوتی۔

لندن میں میڈیا سے گفتگو میں اسحاق ڈار نے کہا کہ دوران ملاقات میاں صاحب سے بہت سی باتیں ہوتی ہیں، ہر بات پبلک کرنے کی نہیں ہوتی۔

انہوں نے کہا کہ ڈالر کی قیمت چند پیسے بڑھی ہے، اس کی اصل قیمت کم ہے، جلد ہی ڈالر کی قیمت اصل ویلیو پر آجائے گی۔

وفاقی وزیر خزانہ نے مزید کہا کہ عالمی مالیاتی ادارے (آئی ایم ایف) سے مذاکرات اچھے رہے ہیں۔

ان کا کہنا تھا کہ آئی ایم ایف اور ورلڈ بینک سے 4 دن میں 58 میٹنگز ہوئیں، آئی ایم ایف اور ورلڈ بینک کی اعلیٰ مینجمنٹ سے میٹنگز ہوئیں۔

بشکریہ جنگ