کراچی کے بلدیاتی انتخابات ملتوی ہونے پر حافظ نعیم کا ردعمل

امیر جماعت اسلامی کراچی حافظ نعیم الرحمٰن نے الیکشن کمیشن کی جانب کراچی میں بلدیاتی انتخابات ملتوی کرنے پر ردعمل دیتے ہوئے کہا کہ متحدہ قومی موومنٹ (ایم کیو ایم) پاکستان ہمیشہ پیپلز پارٹی کی بی ٹیم رہی ہے۔

ایک بیان میں حافظ نعیم الرحمٰن نے کہا کہ کوئی بلدیاتی انتخابات کرانے کے لیے تیار نہیں ہوتا۔

انہوں نے کہا کہ بلدیاتی انتخابات ملتوی کرانے کے معاملے کو ہر سطح پر اٹھائیں گے، الیکشن کمیشن ہمیشہ ان کے ساتھ مل جاتا ہے۔

الیکشن کمیشن کے مطابق کراچی میں الیکشن کے فیصلے سے متعلق اجلاس 15 روز بعد دوبارہ ہو گا۔

واضح رہے کہ الیکشن کمیشن نے 23 اکتوبر کو کراچی میں ہونے والے بلدیاتی انتخابات ملتوی کر دیے ہیں۔

الیکشن کمیشن کے مطابق کراچی میں الیکشن کے فیصلے سے متعلق اجلاس 15 روز بعد دوبارہ ہو گا، جس میں بلدیاتی انتخابات کی تاریخ کا فیصلہ کیا جائے گا۔

بشکریہ جنگ