ٹی 20 ورلڈ کپ: وارم اپ میچ میں بھارت کا آسٹریلیا کو 187 رنز کا ہدف

انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کے وارم اپ میچ میں بھارت نے میزبان آسٹریلیا کو جیت کے لیے 187 کا ہدف دیا ہے۔

برسبین میں کھیلے جا رہے میچ میں بھارت نے مقررہ 20 اوورز میں 7 وکٹوں پر 186 رنز بنائے۔

بھارت کی جانب سے کے ایل راہول 57 اور سوریا کمار یادیو نے 50 رنز بنائے۔

آسٹریلیا کے کین رچرڈز نے 4 کھلاڑیوں کو آؤٹ کیا۔

ٹی ٹوئنٹی ورلڈ کپ کے کوالیفائنگ راؤنڈ میں ویسٹ انڈیز اور اسکاٹ لینڈ کے درمیان کھیلے جا رہے تیسرے میچ کو بارش کے سبب روک دیا گیا۔

دوسری جانب ایک اور وارم اپ میچ میں نیوزی لینڈ نے جنوبی افریقہ کو جیت کے لیے 99 رنز کا ہدف دیا ہے۔

نیوزی لینڈ کی ٹیم 17.1 اوورز میں 98 رنز بنا کر آؤٹ ہو گئی۔

جنوبی افریقہ کے کیشو مہاراج نے 3، تبریز شمسی اور وائن پرنیل نے دو دو وکٹیں حاصل کیں۔

بشکریہ جنگ