ضمنی انتخابات، پی ٹی آئی آگے، ندیم افضل چن نے کیا کہا؟
عمران خان کے دور میں وزیر اعظم کے ترجمان رہنے والے ندیم افضل چن نے بھی ضمنی انتخابات میں پیپلز پارٹی کی جیت پر اپنا تبصرہ پیش کیا ہے۔
انہوں نے ٹوئٹر پر جاری بیان میں کہا کہ آج کے ضمنی انتخاب میں پاکستان پیپلز پارٹی نے پنجاب اور سندھ سے دونوں نشستیں جیت کر پی پی پی مخالف بیانیے کو ابدی نیند سلادیا ہے۔
ندیم افضل چن نے کہا کہ سندھ فتح کرنے کے خواہشمند کی نشستیں پی پی پی نے لے لی ہیں۔
پی ٹی آئی چھوڑ کر پیپلز پارٹی میں شمولیت اختیار کرنے والے ندیم افضل چن نے یہ بھی کہا کہ یہ کامیابی ’جئے بھٹو‘ کے ہمیشہ سے دلوں میں دھڑکتے نعرے کی گونج بڑھا رہی ہے۔
خیال رہے کہ قومی اسمبلی کی 8 اور صوبائی اسمبلی کی 3 نشستوں پر ہونے والے ضمنی انتخابات کے ابتدائی نتائج کے مطابق پی ٹی آئی چیئرمین قومی اسمبلی کی 8میں سے 6 نشستوں پر فاتح رہے، قومی اسمبلی کی کراچی، پشاور، مردان، چارسدہ اور فیصل آباد اور ننکانہ کی نشستوں پر عمران خان کامیاب ٹھہرے جبکہ ملتان اور کراچی سے پیپلزپارٹی کا امیدوار فاتح رہا۔
Comments are closed.