کراچی میں عمران کے ووٹ کم ہوئے، سعید غنی

پیپلز پارٹی کے رہنما سعید غنی نے کہا ہے کہ پی ٹی آئی کے لیے باعث تشویش ہے کہ عمران خان خود کراچی سے کھڑے ہوئے اور ان کے ووٹوں میں کمی آئی۔

انہوں نے ایک بیان میں کہا کہ پیپلز پارٹی نے 2018 سے زیادہ ووٹ لیے، جب کہ پی ٹی آئی کا قائد عمران خان 10 ہزار ووٹوں سے ہار گیا۔

پیپلز پارٹی کے رہنما سعید غنی نے کراچی میں ہوئے پی ٹی آئی چیئرمین عمران خان کے جلسے کے موقع پر جلسہ گاہ خالی ہونے کی ویڈیو شیئر کردی۔

سعید غنی کا کہنا تھا کہ بلدیاتی انتخابات میں پیپلز پارٹی کراچی کی نمبر ون پارٹی بنے گی، ایم کیو ایم کے ہارنے کی وجہ ان کا فیلیئر ہے۔

انہوں نے کہا کہ ملیر میں پی ٹی آئی کے ایم پی اے بلال غفار نے بدمعاشی کی۔ بلال غفار پیپلز پارٹی کے جس ایم پی اے پر الزام لگا رہے ہیں وہ علاقے میں موجود ہی نہیں تھا۔

بشکریہ جنگ