ڈونلڈ ٹرمپ کی کانگریس کمیٹی کی قرار داد کی مذمت
سابق امریکی صدر ڈونلڈ ٹرمپ نے کانگریس کمیٹی کی قرار داد کی مذمت کر دی۔
ایک بیان میں سابق امریکی صدر ڈونلڈ ٹرمپ نے سوالات اٹھاتے ہوئے کہا ہے کہ سلیکٹ کمیٹی نے مجھے گواہی کے لیے پہلے کیوں نہیں بلایا؟
انہوں نے مزید سوال کیا کہ انہوں نے اپنی آخری میٹنگ کے آخری لمحات تک انتظار کیوں کیا؟
ڈونلڈ ٹرمپ کا یہ بھی کہنا ہے کہ سیلیکٹ کمیٹی نے صرف ملک کو تقسیم کرنے کا کام کیا ہے۔
واضح رہے کہ امریکی کانگریس کمیٹی میں سابق صدر ڈونلڈ ٹرمپ کی پیشی کے حکم کی قرار داد پر ووٹنگ ہوئی۔
کمیٹی نے 6 جنوری کی آخری سماعت پر ڈونلڈ ٹرمپ کے پیش ہونے کی قرار داد اتفاقِ رائے سے منظور کر لی۔
کمیٹی کی سماعت میں نتیجہ نکالا گیا کہ ٹرمپ کو الیکشن ہارنے کا علم تھا اور انہوں نے جان بوجھ کر کیپیٹل ہل پر حملہ کروایا۔
سماعت میں کہا گیا کہ ٹرمپ نے حملہ روکنے میں عدم دلچسپی کا مظاہرہ کیا۔
سابق صدر ٹرمپ کے خلاف مجرمانہ کارروائی کا کیس بنانے کی سفارش کا بھی امکان ہے۔
Comments are closed.