چیف جسٹس نے جوڈیشل کمیشن کا اجلاس 12 اکتوبر کو طلب کرلیا، ذرائع

چیف جسٹس پاکستان عمر عطا بندیال نے جوڈیشل کمیشن کا اجلاس 12 اکتوبر کو طلب کرلیا۔

ذرائع کا کہنا ہے کہ جوڈیشل کمیشن میں لاہور ہائیکورٹ کے 13 ایڈیشنل ججز کی مستقلی پر غور کیا جائے گا۔

ذرائع کے مطابق جسٹس سہیل ناصر، جسٹس شکیل احمد، جسٹس صفدر سلیم شاہد کی مستقلی پر غور ہوگا۔

ذرائع کا کہنا ہے کہ اجلاس میں جسٹس احمد ندیم ارشد، جسٹس طارق ندیم، جسٹس امجد رفیق، جسٹس عابد حسین چٹھہ، جسٹس انوار حسین، جسٹس علی ضیا باجوہ کو مستقل کرنے پر غور ہوگا۔

ذرائع کے مطابق اجلاس میں جسٹس سلطان تنویر، جسٹس رضا قریشی، جسٹس شان گل، جسٹس راحیل کامران کو مستقل کرنے پر بھی غور کیا جائے گا۔

رواں سال اپریل میں ایڈیشنل ججز کی مدت میں چھ ماہ کی مزید توسیع کی گئی تھی۔

بشکریہ جنگ