بیوی کو زخمی کرکے شوہر کی خودکشی، واقعے کی اطلاع 6 سالہ بچی نے دی

نیو کراچی میں گزشتہ روز بیوی کو زخمی کرکے شوہر کی خودکشی کے واقعہ کی تفصیلات منظر عام پر آگئیں۔ فائرنگ کی اطلاع چھ سال کی بچی نے اہلخانہ کو والد کے فون سے دی۔

واقعہ کی اطلاع زخمی خاتون ثنا اور ہلاک وسیم کی 6 سالہ بیٹی نے اپنے چچا کو دی، بچی نے والد کےانگوٹھے سے موبائل فون ان لاک کیا اور چچا کے نمبر پر فون کیا۔

پولیس کا کہنا ہے کہ صبح سویرے خاتون لاپتا ہوئی تھی، واقعے کی مختلف پہلوؤں سے تفتیش کر رہے ہیں۔

ابتدائی طور پر چچا کو یقین نہیں آیا تو بچی نے لاش کی تصویر لے کر بھیجی۔

دوسری جانب زخمی ہونے والی خاتون کے جسم سے آج آپریشن کرکے گولی نکال لی گئی ہے۔ خاتون کی حالت خطرے سے باہر ہے تاہم ابھی تک بیان دینے کے قابل نہیں ہوئی ہے۔

بشکریہ جنگ