مریم نواز کے بری ہونے کی خبر پر وزیراعظم شہباز شریف کا ٹوئٹ

وزیراعظم شہبازشریف نے مریم نواز  کو ایون فیلڈ ریفرنس سے بری کیے جانے پر ردعمل کا اظہار کیا ہے۔

وزیراعظم شہباز شریف نے ٹوئٹر پر اپنے بیان میں کہا ہے کہ جھوٹ، بہتان اور کردار کشی کی عمارت آج منہدم ہوچکی ہے۔ ایون فیلڈ ریفرنس میں مریم نواز کی بریت نام نہاد احتسابی نظام کے منہ پر طمانچہ ہے۔

انہوں نے مزید کہا کہ نام نہاد احتسابی نظام شریف خاندان کو نشانہ بنانے کے لیے استعمال کیا گیا۔

اسلام آباد ہائی کورٹ میں ایون فیلڈ ریفرنس میں سزا کے خلاف اپیلوں پر سماعت کے دوران مسلم لیگ ن کی رہنمامریم نواز پیش ہو گئیں۔

وزیراعظم کا کہنا ہے کہ مریم بیٹی اور صفدر کو میری طرف سے مبارکباد۔

واضح رہے کہ اب سے کچھ دیر قبل اسلام آباد ہائی کورٹ نے مسلم لیگ (ن) کی رہنما مریم نواز کو ایون فیلڈ ریفرنس سے بری کر دیا ہے۔

بشکریہ جنگ