مریم اورنگزیب کا لندن میں پی ٹی آئی کارکنوں کے رویے پر ردعمل

وفاقی وزیر اطلاعات مریم اورنگزیب نے لندن میں پی ٹی آئی کارکنوں کے رویے پر بیان دیتے ہوئے کہا کہ عمران خان کی نفرت انگیز سیاست کا اپنے بھائیوں، بہنوں پر زہریلا اثر دیکھ کر دکھ ہوا۔

وفاقی وزیر اطلاعات و نشریات مریم اورنگزیب کو لندن میں پاکستان تحریک انصاف (پی ٹی آئی) کے کارکنوں نے گھیر لیا۔

 اپنے بیان میں مریم اورنگزیب نے کہا کہ میں نے ان کے ہر سوال کا جواب دیا، افسوس وہ عمران خان کے پروپیگنڈے کا شکار ہیں۔

وزیر اطلاعات نے کہا کہ عمران خان کی زہریلی سیاست کا مقابلہ کرنے اور لوگوں کو متحد کرنے کیلئے کام جاری رکھیں گے۔

بشکریہ جنگ