عمران خان نے آرمی چیف سے متعلق درحقیقت کیا کہا؟ شیریں مزاری نے بتا دیا

پاکستان تحریک انصاف کی رہنما شیریں مزاری کا کہنا ہے کہ عمران خان نے کیا کہا،اس معاملے میں جان بوجھ کر غلط بیانی کی کوشش کی گئی ہے۔

مائیکرو بلاگنگ سائٹ ٹوئٹر پر جاری اپنے بیان میں شیریں مزاری نے کہا کہ مسئلہ یہ ہے عمران خان کے پوزیشن واضح کرنے کے باوجود اینکر اپنا ایجنڈا دینا چاہتا ہے۔

شیریں مزاری نے کہا کہ ایسا کرنے کے بجائے اس طرح کے اینکرز کو خود کلامی کرنی چاہیے۔

اسلام آ باد پاکستان تحریک انصاف کے چیئرمین اور…

واضح رہے کہ ایک نجی ٹی وی کو انٹرویو میں عمران خان نے امریکا مخالف بیانیہ اور اسٹیبلشمنٹ مخالف بیانیہ دونوں سے یو ٹرن لے کر سب کو حیران کر دیا ہے۔

انہوں نے کہا کہ میرے ڈونلڈ ٹرمپ سے بڑے اچھے تعلقات تھے، میرا امریکا سے کوئی مسئلہ نہیں، باہمی احترام پر امریکا سے تعلقات چاہتا ہوں۔

عمران خان کا یہ بھی کہنا تھا کہ نئے آرمی چیف کا معاملہ نئی حکومت آنے تک مؤخر کردینا چا ہیے۔

بشکریہ جنگ