کوئٹہ میں منی پیٹرول پمپ میں آگ لگنے سے دو افراد جھلس کر زخمی

کوئٹہ کے علاقے کلی پائند میں منی پیٹرول پمپ میں آگ لگنے سے دو افراد جھلس کر زخمی ہوگئے۔

ریسکیو ذرائع کے مطابق کلی پائند کے علاقے میں منی پیٹرول پمپ میں اچانک آگ بھڑک اٹھی جس سے قریب موجود دو افراد جھلس کر زخمی ہوگئے۔

آتشزدگی کے بعد فائر بریگیڈ کو طلب کیا گیا۔ دونوں زخمی افراد کو فوری طور پر بولان میڈیکل کمپلیکس اسپتال کوئٹہ کے برن یونٹ منتقل کردیا گیا۔

بعد ازاں فائربریگیڈ کی ٹیموں نے موقع پر پہنچ کر آگ پر قابو پالیا۔

بشکریہ جنگ