نومنتخب برطانوی وزیر اعظم لز ٹرس کا ملکہ برطانیہ کے انتقال پر پیغام
برطانوی نو منتخب وزیر اعظم لز ٹرس کی جانب سے ملکہ الزبتھ دوم کے انتقال پر تعزیتی پیغام جاری کیا گیا ہے۔
لز ٹرس کا اپنے سوشل میڈیا پر جاری کیے گئے پیغام میں کہنا ہے کہ ملکہ معظمہ جدید برطانیہ کی بنیاد تھیں، ہمارا ملک ملکہ کی بادشاہت میں آگے بڑھا اور پھلا پھولا ہے۔
لز ٹرس کا اپنے پیغام میں کہنا ہے کہ ہم آنے والے مشکل دنوں میں ایک ساتھ آگے بڑھیں گے، آج کا دن ہم نے بہت بڑا نقصان اٹھایا ہے مگر ملکہ الزبتھ نے بہت بڑی میراث چھوڑی ہے۔
واضح رہے کہ رواں ہفتے ہی لز ٹرس ملکہ برطانیہ کی جانب سے حکومت بنانے کی دعوت ملنے کے بعد باقاعدہ طور پر برطانیہ کی وزیراعظم بنی تھیں۔
وہ منگل کو لندن سے طیارے کے ذریعے اسکاٹ لینڈ پہنچی تھیں جہاں بالمورل کاسل میں انہوں نے ملکہ سے ملاقات کی تھی۔
اس سے قبل بورس جانسن نے ملکہ برطانیہ سے ملاقات کر کے اُنہیں اپنا استعفیٰ پیش کیا تھا۔
Comments are closed.