وزیرِ اعظم بلوچستان کے ضلع کچی کا دورہ کریں گے
وزیرِ اعظم شہباز شریف آج بلوچستان کے ضلع کچی کا دورہ کریں گے۔
دورے کے دوران وزیرِ اعظم سیلاب سے متاثرہ روڈ اور ریلوے انفراسٹرکچر کی بحالی کے کام کا جائزہ لیں گے۔
شہباز شریف بی بی نانی میں سیلاب کے سبب گر جانے والے ریلوے پُل کا فضائی جائزہ لیں گے۔
اس کے علاوہ وزیرِ اعظم سیلاب میں بہہ جانے والے پنجرا پُل کی بحالی کے کام کا بھی جائزہ لیں گے۔
دوسری جانب نصیرآباد، جعفرآباد اور صحبت پور میں سیلاب متاثرین سڑکوں کنارے سخت گرمی میں پانی اترنے اور حکومتی امداد کے منتظر ہیں۔
ڈیرا مراد جمالی کے متاثرہ علاقوں میں ایک ماہ بعد بھی ریلیف آپریشن شروع نہیں کیا جاسکا، متاثرین کو پینے کےصاف پانی، خوراک اور دواؤں کی شدید قلت کا سامنا ہے، خواتین اور بچے مختلف بیماریوں میں مبتلا ہونے لگے۔
بشکریہ جنگ
Comments are closed.