کینیڈا: نیوز اینکر نے خبریں پڑھتے ہوئے مکھی نگل لی

کینیڈا کی صحافی فرح ناصر نے براہ راست خبریں پڑھنے کے دوران مکھی نگل لی۔

ٹوئٹر پر اپنی ویڈیو شیئر کرتے ہوئے انہوں نے کیپشن دیا کہ اس لیے شیئر کر رہی ہوں کیونکہ ہم سب کو آج کل ہنسنے کی ضرورت ہے، آج میں نے آن ایئر ایک مکھی نگل لی۔

براہ راست نشریات میں فرح ناصر پاکستان میں سیلاب کی تباہ کاریوں سے متعلق بات کر رہی تھیں جب مکھی نے ان کے منہ کے گرد منڈلانا شروع کیا۔

ابھی نیوز اینکر خبریں پڑھ ہی رہی تھیں کہ ان کے چہرے کے تاثرات تبدیل ہوئے اور انہوں نے گلا کھنکارا، کیمرے کے سامنے وہ ایسے رہیں جیسے کچھ ہوا ہی نہیں۔

بعد ازاں انہوں نے سوشل میڈیا پر اس پورے واقعے کی ویڈیو لگائی اور بتایا کہ دراصل ان کے منہ میں مکھی چلی گئی تھی۔

بشکریہ جنگ