عمران کا گجرات کا جلسہ تاریخ رقم کرے گا، پرویز الہٰی

وزیر اعلیٰ پنجاب چوہدری پرویز الہٰی کا کہنا ہے کہ کل عمران خان کا گجرات کا جلسہ نئی تاریخ رقم کرے گا۔

گجرات میں ظہور الہٰی اسٹیڈیم میں جلسے کے انتظامات کے جائزے کے موقع پر چوہدری پرویز الہٰی نے کہا کہ گجرات کل بھی عمران کا تھا، آج بھی ہے اور کل بھی رہے گا۔

 سابق وفاقی وزیر مونس الہٰی نے کہا کہ عمران خان کے ساتھ ہیں اور ساتھ رہیں گے، گجرات کے لوگ عمران خان سے والہانہ محبت کرتے ہیں۔

دوسری جانب وزیر داخلہ پنجاب ہاشم ڈوگر کا کہنا ہے کہ وزیر اعلیٰ  کے ساتھ گجرات جلسہ گاہ کا دورہ کیا، جہاں بہترین انتظامات اور سیکیورٹی کا بندوبست کیا گیا ہے۔

ہاشم ڈوگر نے کہا کہ انشااللّٰہ گجرات کی تاریخ کا سب سے بڑا جلسہ ہوگا۔

بشکریہ جنگ