معافی کے سوال پر عمران خان کا جواب سے گریز
پاکستان تحریک انصاف (پی ٹی آئی) کے چیئرمین عمران خان عدالت سے معافی مانگیں گے یا نہیں؟
چیئرمین پی ٹی آئی نے صحافیوں کے سوال پر جواب دینے سے گریز کیا۔
عمران خان نے سوال پھر پوچھے جانے پر صحافیوں کو مخاطب کرکے کہا کہ ’آپ مشورہ دیں کیا کروں؟‘
اسلام آباد ہائی کورٹ میں خاتون جج زیبا چوہدری کو دھمکانے پر عمران خان کے خلاف توہین عدالت کیس کی سماعت ہوئی۔
عدالت نے عمران خان کے گزشتہ روز جمع کرائے گئے جواب کو مسترد کردیا اور ساتھ ہی انہیں 7 روز میں نیا جواب جمع کرانے کی مہلت دی اور سماعت 8 ستمبر تک ملتوی کردی۔
بشکریہ جنگ
Comments are closed.