بابر اعظم نے بھی ہاردیک پانڈیا کی تعریف کردی

قومی کرکٹ ٹیم کے کپتان بابر اعظم نے بھی بھارتی ٹیم کے آل راؤنڈر ہاردیک پانڈیا کی تعریف کر دی۔

پاک بھارت پوسٹ میچ پریس کانفرنس کے دوران صحافی کی جانب سے ہاردیک پانڈیا سے متعلق پوچھے گئے سوال کے جواب میں بابر اعظم نے کہا کہ پانڈیا نے بولنگ اور بیٹنگ اچھی کی۔

انہوں نے کہا کہ ہاردیک پانڈیا کافی اچھا آل راؤنڈر ہے، اس نے جس طرح میچ فینیش کیا وہ بھی بہت اچھا تھا۔

واضح رہے کہ متحدہ عرب امارات میں کھیلے جا رہے ایشیا کپ کے گروپ بی کے پہلے میچ میں بھارت نے ہاردیک پانڈیا کی آل راؤنڈر کارکردگی کی بدولت پاکستان کو 5 وکٹوں سے شکست دی تھی۔

اتوار کے روز پاکستان اور بھارت کے درمیان ایشیا کپ میں کھیلے گئے میچ میں بھارت نے پاکستان کی جانب سے دیا گیا 148 رنز کا ہدف بھارت صرف 2 گیندوں قبل حاصل کرسکا تھا۔

بشکریہ جنگ