وزیراعلیٰ خیبر پختونخوا کا لوئر دیر کا انوکھے انداز میں دورہ

وزیراعلیٰ خیبر پختونخوا محمود خان نے سیلاب سے متاثرہ علاقے لوئر دیر کا انوکھے انداز میں دورہ کیا۔

وزیراعلیٰ محمود خان ہیلی کاپٹر کی پرواز کے دوران سیلاب متاثرین کو دیکھ کر بلندی سے ہی ہاتھ ہلاتے رہے۔

اس دورے کے دوران بلامبٹ میں پارٹی کارکنوں نے وزیراعلیٰ خیبرپختونخوا کی گاڑی کا گھیراؤ کرلیا۔

صوبائی وزیر شوکت یوسفزئی بھی وزیراعلیٰ کے ہمراہ تھے، محمود خان کو کارکنوں کے گھیراؤ کے باعث اپنی گاڑی سے اترنا پڑ گیا۔

دوران گفتگو کارکنوں نے وزیراعلیٰ سے شکوہ کیا کہ وہ صبح سے آمد کے منتظر تھے لیکن محمود خان اُن سے ملے بغیر ہی جارہے تھے۔

بشکریہ جنگ