’رقص جاری رکھیں‘، ہلیری کلنٹن کا فن لینڈ کی وزیراعظم کو پیغام

سابق امریکی سیکرٹری خارجہ ہلیری کلنٹن نے فن لینڈ کی وزیراعظم ثنا مرین کی حمایت میں ٹوئٹ کردی۔

ہلیری کلنٹن نے ایک پرہجوم کلب میں اپنے رقص کی تصویر شیئر کرتے ہوئے ثنا مرین کو ٹیگ کیا اور کہا کہ ’رقص جاری رکھیں‘۔

کلنٹن کی یہ تصویر 2012ء کی ہے جب وہ بطور سیکرٹری خارجہ کولمبیا کے دورے پر تھیں۔

فن لینڈ کی وزیراعظم نے ہلیری کی ٹوئٹ پر جواب دیتے ہوئے ان کا شکریہ ادا کیا۔

یاد رہے کہ ثنا مرین کی حال ہی میں ایک ویڈیو لیک ہوئی جس میں وہ اپنے دوستوں کے ساتھ رقص کر رہی تھیں۔

اس ویڈیو کے بعد ان پر بہت تنقید ہوئی اور سیاسی مخالفین نے ان سے استعفے کا مطالبہ کیا۔ 

بشکریہ جنگ