پاکستانی سیلاب متاثرین کو مدد فراہم کرنے کیلئے تیار ہیں: فرانسیسی صدر

فرانسیسی صدر ایمانوئل میکرون کا کہنا ہے کہ فرانس پاکستانی سیلاب متاثرین کو مدد فراہم کرنے کے لیے تیار ہے۔

سماجی رابطے کی ویب سائٹ ٹوئٹر پر جاری کیے گئے اپنے بیان میں فرانسیسی صدر ایمانوئل میکرون نے کہا ہے کہ تباہ کن سیلاب کا سامنا کرنے والے پاکستانی افراد سے بے حد ہمدردی ہے۔

انہوں نے یہ بھی کہا ہے کہ ہماری ساری ہمدردیاں سیلاب سے لاپتہ افراد اور متاثرہ آبادیوں کے ساتھ ہیں۔

فرانسیسی صدر کا ٹوئٹر پیغام ملکی میڈیا، خصوصی طور پر جیو ٹی وی کی سیلاب سے متعلق کوریج کے بعد سامنے آیا ہے۔

بشکریہ جنگ