بابر اعظم نے بھارت سے مقابلے کی حکمت عملی بنالی، 3 فاسٹ بولرز کھیلیں گے

ایشیا کپ 2022 میں پاکستان کرکٹ ٹیم بھارت کے خلاف ہائی وولٹیج میچ میں 3 فاسٹ بولرز کے ساتھ میدان میں اترے گی۔

ذرائع کے مطابق بھارت کے خلاف ایونٹ کے سب سے بڑے میچ کےلیے بابر اعظم نے حکمت عملی تیار کرلی ہے اور حریف ٹیم کو 3 فاسٹ بولرز کے ذریعے قابو کرنے کا فیصلہ کیا ہے۔

پاکستان کرکٹ ٹیم کے کپتان بابر اعظم نے کہا ہے کہ پاک، بھارت میچ کو ہم بھی دونوں ممالک کے لوگوں کی طرح انجوائے کرتے ہیں۔

ذرائع کے مطابق پاکستانی فاسٹ بولنگ اٹیک شاہنواز دھانی، حارث رؤف اور نسیم شاہ پر مشتمل ہوگا جبکہ اسپنرز میں شاداب خان، محمد نواز اور خوشدل شاہ اپنی جادوگری دکھائیں گے۔

ذرائع کے مطابق پاکستانی فائنل الیون میں کپتان بابر اعظم، محمد رضوان، فخر زمان، حیدر علی، آصف علی، خوشدل شاہ، شاداب خان، محمد نواز، نسیم شاہ، حارث روف اور شاہنواز دھانی شامل ہیں۔

بشکریہ جنگ