پاکستان ریلویز کا موجودہ صورتحال کے پیش نظر ریڈ الرٹ جاری
پاکستان ریلویز نے موجودہ صورت حال کے پیش نظر ریڈ الرٹ جاری کر دیا ہے، ڈویژنوں اور ہیڈ کوارٹرز میں کنٹرول روم قائم کر دیے گئے ہیں۔
اسپیشل ٹیمیں تشکیل دے دی گئی ہیں جو ریلوے کے پلوں اور ٹریکس کا معائنہ کرنے کے لیے روانہ ہو چکی ہیں، تمام ریلوے افسران 24/7 اپنی ڈیوٹی سر انجام دیں گے۔
وفاقی وزیر ریلوے سعد رفیق ریلوے ہیڈ کواراٹرز میں موجود رہ کر لمحہ بہ لمحہ صورت حال کا جائزہ لیں گے۔
سیکریٹری ریلوے ظفر زمان رانجھا وزارت ریلوے اسلام آباد سے تمام کاموں کی نگرانی کریں گے۔
دوسری جانب سکھر اور حیدرآباد میں بارشوں کے باعث ریلوے ٹریک پر پانی آنے کے سبب 30 اگست تک ریلوے آپریشن معطل کردیا گیا ہے۔
ترجمان ریلوے کا کہنا ہے کہ لاہور سے کراچی اور کوئٹہ کے درمیان چلنے والی تمام ٹرینوں کو معطل کیا گیا ہے۔
ترجمان نے کہا کہ شدید بارشوں کے باعث متعدد مقامات پر ریلوے ٹریک پر پانی آگیا ہے۔
Comments are closed.