امریکا کا پاکستان کیلئے کورونا ویکسین کی مزید 90 لاکھ خوراکوں کا عطیہ

امریکا نے پاکستان کو عالمی وباء کورونا وائرس سے نمٹنے کے لیے کورونا ویکسین کی 90 لاکھ اضافی خوراکوں کا عطیہ کر دیا۔

امریکی سفارت خانے کے مطابق کورونا ویکسین کی 90 لاکھ اضافی خوراکوں کی آمد کا سلسلہ آج سے شروع ہو گیا ہے، ویکسین فراہمی کا مقصد کورونا سے نمٹنے کے لیے مِل کر کام کرنا ہے۔

امریکی سفیر ڈونلڈ بلَوم کا کہنا ہے کہ امریکا پاکستان کو سب سے زیادہ کورونا ویکسین عطیہ کرنے والا ملک ہے۔

امریکی سفارت خانہ نے کہا کہ وباء کے آغاز سے اب تک 7 کروڑ 4 لاکھ ڈالر کی براہ راست معاونت کی گئی جبکہ ایک کروڑ 83 لاکھ ڈالر مالیت کا ساز و سامان کورونا سے نمٹنے کے لیے دیا گیا ہے۔

بشکریہ جنگ