پاکستان میں پولیو وائرس سے ایک اور بچہ متاثر، تعداد 15 ہوگئی

پاکستان میں پولیو وائرس سے ایک اور بچہ متاثر ہو گیا، جس کے بعد اس سال متاثرہ بچوں کی تعداد 15ہو گئی۔

وزارت صحت کے حکام کے مطابق شمالی وزیرستان کی تحصیل غلام خان میں 17 مہینے کا بچہ پولیو سے متاثر ہوا۔

حکام کا کہنا ہے کہ پولیو سے متاثرہ بچے میں معذوری کی علامات یکم اگست سے ظاہر ہونا شروع ہوئیں۔

وزارت صحت کے حکام نے یہ بھی کہا کہ پاکستان میں اس سال لکی مروت سے بھی پولیو کیس سامنے آچکا ہے، اس کے علاوہ رواں سال خیبرپختونخوا، پنجاب، اسلام آباد کے ماحولیاتی نمونوں میں بھی پولیو وائرس پایا گیا ہے۔

بشکریہ جنگ