20 سے 25 لاکھ گھر مکمل طور پر تباہ ہو چکے ہیں، وزیراعلیٰ سندھ

وزیراعلیٰ سندھ سید مراد علی شاہ کا کہنا ہے کہ برساتی نالوں کا پانی منچھر جھیل میں آرہا ہے، 20 سے 25 لاکھ گھر مکمل طور پر تباہ ہوچکے ہیں، پانی کہاں نکالیں، آگے بھی پانی ہی ہے۔

جیو نیوز کے پروگرام ’’آج شاہ زیب خانزادہ کے ساتھ‘‘ میں گفتگو کرتے ہوئے  وزیراعلیٰ سندھ  نے کہا کہ قمبر شہداد کوٹ اور دادو کی صورتحال ابتر ہے، لاڑکانہ میں کل رات سے اب تک 200 ملی میٹر بارش ہوئی ہے۔

وزیراعلیٰ سندھ نے کہا کہ مین انڈس ہائی وے پر 2، 2 فٹ پانی ہے، پڈعیدن میں 5 دن میں 1 ہزار ملی میٹر بارش ہوئی ہے، 240 کے قریب تربیلا ڈیم کا پانی سندھ کی زمین پر آیا۔

مراد علی شاہ نے کہا کہ 2010 میں سندھ کے چار پانچ ڈسٹرکٹ میں سیلاب آیا تھا، ہمیں فوری طور پر 10 لاکھ ٹینٹ چاہئیں، ڈیولپمنٹ کے فنڈ منجمد کرکے سیلاب متاثرین کی بحالی میں لگائیں گے۔

بشکریہ جنگ