عمرکوٹ میں امداد سے محروم بارش متاثرین نے خیموں سے بھرا ٹرک لوٹ لیا

عمرکوٹ میں تین تلوار روڈ پر امداد سےمحروم بارش متاثرین نےخیموں سے بھرے ٹرک پر ہلہ بول دیا۔

سیلاب متاثرین نےٹرک سے خیمے لوٹ لیے، خیمےلوٹنے والوں میں خواتین متاثرین بھی شامل تھیں۔

خیموں سے بھرا ٹرک ڈی سی آفس کے ویئر ہاؤس جا رہا تھا۔

ایل بی او ڈی سیم نالے میں سیلابی پانی کا خطرناک حد تک اضافہ ہوگیا ہے۔

محکمہ آب پاشی کے مطابق ایل بی او ڈی سے اس وقت پانی کا اخراج 12 ہزار کیوسک ہے۔

اس سلسلے میں قدرتی آبی گزر گاہ "پران ندی” میں کٹ لگانے کا فیصلہ کیا گیا ہے۔

ڈھورو پران، سے ملحقہ دیہات کے مکینوں کو فوری طور پر علاقہ خالی کرنے کی ہدایت کی گئی ہے جبکہ سیلابی پانی کا اخراج انڈس ڈیلٹا کے مقام پر کیا جائے گا۔

ایل بی او ڈی میں زیادہ پانی سے سانگھڑ، میرپور خاص، تھر پارکر، بدین اور ٹنڈو محمد خان کو نقصان پہنچنے کا خدشہ ہے۔

بشکریہ جنگ