مون سون کا نیا اسپیل، پی ڈی ایم اے نے الرٹ جاری کر دیا

مون سون کے نئے اسپیل کے پیشِ نظر صوبائی ڈیزاسٹر مینجمنٹ اتھارٹی (پی ڈی ایم اے) نے الرٹ جاری کیا ہے۔

ترجمان پی ڈی ایم اے کے مطابق پنجاب اور سرگودھا ڈویژن میں 23 سے 26 اگست تک مون سون کی تازہ لہر کا امکان ہے، دریائے سندھ کے بالائی علاقوں میں مزید بارشوں کا امکان ہے۔

ترجمان پی ڈی ایم اے کے مطابق 26 اگست تک ڈی جی خان کے پہاڑی علاقوں سے مزید پانی آنے کا خطرہ ہے۔

شہرِ قائد کراچی میں 24 سے 25 اگست کی شام تک بارش کا امکان ظاہر کیا جا رہا ہے۔

ترجمان پی ڈی ایم اے نے جاری کردہ الرٹ میں کہا ہے کہ دریائے سندھ میں تونسہ کے مقام پر انتہائی اونچے درجے کے سیلاب کا خطرہ ہے، کوہ سلیمان، سالٹ رینج سے منسلک ندی نالوں میں پانی کی سطح بھی بلند ہوسکتی ہے۔

بشکریہ جنگ