راشد منہاس شہید کا آج 51 واں یوم شہادت

پائلٹ آفیسر راشد منہاس شہید، نشان حیدر کا آج 51 واں یوم شہادت منایا جا رہا ہے۔

پاکستان کے سب سے کم عمر شہید پائلٹ آفیسر راشد منہاس 17فروری 1951ء کو کراچی میں پیدا ہوئے۔

انہوں نے پاک فضائیہ میں شمولیت اختیار کی اور بی ایس سی، پی اے ایف اکیڈمی رسالپور سے کیا۔

20 اگست 1971ء کے دن صبح 11 بجکر 26 منٹ پر پائلٹ آفیسر راشد منہاس پاک فضائیہ کے مسرور ایئر بیس پر اپنے ٹرینر جیٹ طیارے T-33 میں سوار ہوئے۔

انہیں کنٹرول روم سے پہلی کلیرنس ملی تو طیارہ رن وے پر آگیا، اسی دوران ان کا انسٹرکٹر اور فلائٹ سیفٹی آفیسر مطیع الرحمٰن، تیکنیکی خرابی کا بہانہ بنا کر جہاز کے کاک پٹ میں داخل ہوگیا اور انہیں اپنے حربے سے بے ہوش کر دیا بعد میں اُس نے پرواز کے دوران جہاز کا رخ بھارت کی جانب موڑ دیا۔

راشد منہاس نے اپنے انسٹرکٹر کے مذموم ارادوں کو ناکام بنانے کیلئے سخت مزاحمت جاری رکھی۔

انہوں نے جہاز کو پاکستانی حدود ہی میں ٹھٹھہ کے قریب گرا کر غدار وطن کی اس کوشش کو ناکام بنا دیا اور جام شہادت نوش کیا۔

بشکریہ جنگ