جامعہ کراچی میں کلاس رومز اور دفاتر میں پانی داخل
کراچی کی سب سے بڑی یونیورسٹی جامعہ کراچی میں کلاس رومز اور دفاتر میں بارش کا پانی داخل ہو گیا۔
بارش کے پانی سے کلاس رومز اور دفاتر میں موجود فرنیچر اور دیگر سامان خراب ہونے کا خدشہ ظاہر کیا جا رہا ہے۔
بارش کا پانی جامعہ کراچی کے شعبہ بین الاقوامی تعلقات اور دیگر شعبہ جات میں داخل ہوا ہے۔
جامعہ کراچی کے اساتذہ کی جانب سے کہا گیا ہے کہ پانی کی نکاسی کے لیے انتظامیہ نے اب تک کسی قسم کے اقدامات نہیں کیے ہیں۔
واضح رہے کہ گزشتہ روز ہونے والی موسلا دھار بارش نے جل تھل ایک کر دیے تھے۔
شہر میں جگہ جگہ بارش کا پانی جمع ہو گیا جس کی وجہ سے گاڑیوں کی آمد و رفت متاثر ہوئی۔
سڑکوں پر جمع ہونے والے بارش کے پانی کے باعث متعدد کاریں اور موٹر سائیکلیں بند ہو کر ناکارہ ہو گئیں، جن کے مالکان کو اس موسم میں شدید اذیت کا سامنا کرنا پڑا۔
بشکریہ جنگ
Comments are closed.