قومی اسمبلی اور سینیٹ سے منظور ہونے والا بل لاپتہ ہوگیا

اسلام آباد میں ضلعی انتظامیہ کے عدالتی اختیارات ختم کرنے سے متعلق سینیٹر عرفان صدیقی کے بل پر  تاحال صدر کے دستخط نہیں ہوسکے، بل قانون نہیں بن سکا۔

ضابطہ فوجداری ترمیمی بل کو سینیٹ اور قومی اسمبلی منظور کرچکے ہیں، 23 مئی کو سینیٹ اور 8 جون کو قومی اسمبلی سے منظوری کے بعد سے بل لاپتہ ہے۔

سینیٹر عرفان صدیقی کا کہنا ہے کہ بل کا کوئی سراغ نہیں مل رہا کہ وہ کہاں ہے، 14 روز کے اندر صدر کو بل پر دستخط کرنا ہوتے ہیں۔

ایوان صدر کے حکام کا کہنا ہے کہ بل کے حوالے سے کوئی علم نہیں ہے۔

عرفان صدیقی نے کہا کہ بل کا لاپتہ ہوجانا آئین اور پارلیمنٹ کی توہین ہے، بل گمشدگی کا معاملہ سینیٹ میں اٹھاؤں گا، بل کو لاپتہ نہیں ہونے دوں گا۔

سینیٹر عرفان صدیقی نے کہا کہ اگر بل کے قانون بننے میں کوئی طاقتور لابی حائل ہے تو اسے بےنقاب کروں گا۔

بشکریہ جنگ