صدرِ مملکت کی پاک فوج کے قافلے پر ہونے والے خودکش حملے کی مذمت

صدرِ مملکت ڈاکٹر عارف علوی نے شمالی وزیرستان میں پاک فوج کے قافلے پر ہونے والے خودکش حملے کی مذمت کی ہے۔

جاری کیے گئے بیان میں صدر عارف علوی کا کہنا ہے کہ ایسے بزدلانہ حملے ہمارے عزم کو کمزور نہیں کر سکتے۔

اُنہوں نے اس خودکش حملے میں شہید ہونے والے فوجی جوانوں کے اہلِ خانہ کے ساتھ اظہارِ تعزیت بھی کیا ہے۔

واضح رہے کہ شمالی وزیرستان کے علاقے میر علی میں فوجی قافلے پر ایک خودکش حملہ ہوا ہے، جس کے نتیجے میں 4 فوجی جوان شہید ہو گئے۔

آئی ایس پی آر کے مطابق شہداء میں لانس نائیک شاہ زیب، لانس نائیک سجاد، سپاہی عمیر اور خرم شامل ہیں۔

بشکریہ جنگ