بابر فرید اور سلطان باہو کا عرس، مزارات پر پولیو مہم جاری

پاکپتن میں حضرت بابا فرید الدین گنج شکر ؒ اور جھنگ میں حضرت سلطان باہو ؒ کے عرس کی تقریبات جاری ہیں۔

اس موقع پر دونوں مزارات پر انسدادِ پولیو پروگرام کی ٹیموں نے خصوصی پولیو مہم شروع کر رکھی ہے۔

محکمۂ صحت کے ترجمان کے مطابق دونوں بزرگ ہستیوں کے عرس کی تقریبات کے دوران مزارات پر 16 پولیو ٹیمیں تعینات کی گئی ہیں۔

کراچی سمیت ملک کے مختلف شہروں میں انسداد پولیو مہم کا آغاز کردیا گیا ، مہم کے دوران پولیو ٹیموں کے ساتھ لیویز، پولیس، ایف سی کی سخت سیکیورٹی فراہم کی گئی ہے۔

یہ ٹیمیں 10 دن تک وہاں آنے والے بچوں کو پولیو کے قطرے پلائیں گی۔

دونوں مزارات پر 4 دن کے دوران 5 ہزار بچوں کو قطرے پلائے جا چکے ہیں، جبکہ عرس کے دوران ان مزارات پر 33 ہزار بچوں کی آمد متوقع ہے۔

بشکریہ جنگ