راولپنڈی: میٹرو بس میں آگ لگ گئی

راولپنڈی سے اسلام آباد جانے والی میٹرو بس میں مری روڈ رحمٰن آباد میٹرو اسٹیشن پر آگ لگ گئی تاہم اس واقعے میں کوئی جانی نقصان نہیں ہوا۔

ریسکیو حکام کا کہنا ہے کہ میٹرو بس آگ لگنے کی وجہ سے مکمل طور پر جل گئی ہے۔

حکام نے کہا کہ آگ پر قابو پا لیا ہے تاہم کولنگ کا عمل جاری ہے۔

راولپنڈی کے علاقے رحمٰن آباد کے قریب میٹرو بس کے انجن میں آگ بھڑک اٹھنے کی متضاد اطلاعات سامنے آئی ہیں۔

دوسری  جانب میٹرو بس انتظامیہ کا کہنا ہے کہ آگ میٹرو بس کے انجن میں لگی جو پوری بس میں پھیل گئی۔

انتظامیہ نے مزید کہا کہ بس میں سوار افراد محفوظ رہے تاہم بس مکمل جل گئی، آگ لگنے کی مزید وجوہات جاننے کی کوشش کررہے ہیں۔

بشکریہ جنگ