کراچی: دو دریا کے اپارٹمنٹ سے نوجوان کی لاش برآمد، معاملہ کیا ہے؟

کراچی کے علاقے دو دریا پر واقع اپارٹمنٹس سے نوجوان کی لاش ملنے کے واقعے کی گتھیاں الجھنا شروع ہوگئیں، واقعہ خود کشی تھی یا قتل پولیس نے تحقیقات شروع کردیں۔

ایس ایس پی ساؤتھ کا کہنا ہے کہ نوجوان نے خودکشی کی یا اسے قتل کیا گیا اس حوالے سے تحقیقات کر رہے ہیں، اپارٹمنٹ خاتون کے نام ہے جو کینیڈا میں مقیم ہے۔

پولیس کا کہنا ہے کہ اپارٹمنٹ میں مبینہ طور پر گزشتہ روز پارٹی کی گئی، دوران پارٹی مبینہ طور پر منشیات کا بھی استعمال ہوا۔

ایس ایس پی کا کہنا ہے کہ صبح ساڑھے 5 بجے نوجوان 17ویں منزل سے گرا، اپارٹمنٹ انتظامیہ نے پولیس اور ریسکیو کو اطلاع دی تھی۔

بشکریہ جنگ